Para superar a materia na 1ª oportunidade requirirase obter unha cualificación superior a 5 puntos sobre 10 na valoración conxunta das probas de avaliación continua, as entregas de traballos durante o desenvolvemento das clases e o exame realizado na data oficial. A cualificación final da avaliación continua obterase de acordo cos porcentaxes indicados.

O/A estudante ten dereito a optar pola avaliación global segundo o procedemento e o prazo que estableza o centro para cada convocatoria.

Avaliación global:

Realizarase un exame no día da data oficial, que inclúe todos os contidos da materia, incluíndo os contidos e métodos empregados nos casos de estudo. A cualificación deste exame para superar a materia será de 5 puntos sobre 10.

O calendario de probas de avaliación aprobado oficialmente pola Xunta de Centro da EEAE publícase na web: http://aero.uvigo.es/gl/docencia/exames

Avaliación de segunda oportunidade:

O estudantado deberá presentarse ao exame da segunda convocatoria de todos os contidos da materia, que suporá o 100% da nota, se a nota final da avaliación continua é inferior a 5 puntos sobre 10.

Avaliación de fin de carreira:

Para a avaliación de fin de carreira, realizarase un exame na data oficial, que incluirá todos os contidos da materia. A cualificación dese exame para superar a materia será de 5 puntos sobre 10.