Guia docente 2023_24 Escola de Enxeñaría Aeronáutica e do Espazo

Avaliación

	Descrición	Cualificación	Resultados de Formación e Aprendizaxe
Lección maxistral	Avaliarase, mediante a realización en aula de varios test, a consecución dos resultados de aprendizaxe e as competencias relacionadas cos contidos teóricos da materia vistos en clases de teoría.	10	A1	C4	D1 D4 D5 D8
Seminario	Avaliarase, mediante a resolución en aula de varios problemas, a consecución dos resultados de aprendizaxe e as competencias relacionadas coa aplicación dos conceptos da materia.	10	A1	C4	D1 D3 D4 D5 D8 D9
Prácticas de laboratorio	A realización das prácticas é requisito "sine qua non" para aprobar a materia. Ao finalizar as prácticas realizarase unha proba tipo test ou de preguntas de resposta curta sobre os contidos das mesmas que terá un valor de 5%. Tamén se otorga un valor de 5% á actitude e o traballo durante a estancia no laboratorio.	10	A1	C4	D1 D4 D5 D8 D9 D13
Resolución de problemas e/ou exercicios	Nas datas oficiais farase un exame de resolución de problemas e/ou exercicios da materia, para avaliar a consecución dos resultados de aprendizaxe relacionados coa aplicación a problemas dos conceptos da materia. Previamente, ao longo do curso, fixarase a data para a realización dun exame non oficial de problemas e/ou exercicios da parte A da materia, que terá un valor do 20 % e que se complementará co exame da parte B realizado na data oficial e que terá o mesmo valor (20%).	40	A1	C4	D1 D3 D4 D5 D8 D9
Exame de preguntas obxectivas	Nas datas oficiais farase un examen tipo test para avaliar os resultados de aprendizaxe relacionados cos contidos teóricos da materia. Previamente, ao longo do curso, fixarase a data para un exame non oficial tipo test da parte A da materia e que terá un valor do 15 % e que se complementará co exame da parte B realizado na data oficial, e que terá o mesmo valor (15 %)	30	A1	C4	D1 D4 D5 D8

Outros comentarios sobre a Avaliación
1. Sistemas de avaliación Prantéanse dous sistemas de avaliación: continua e global. 1.1. Avaliación continua: Con carácter xeral, esta será a modalidade de avaliación e a cualificación final determinarase de acordo coas seguintes valoracións: I.Prácticas de laboratorio: ata o 10 % do valor total da materia. De forma xeral, a realización das prácticas de laboratorio dunha maneira satisfactoria é requisito indispensable para superar a materia. Por outra parte, realizarase un exame tipo cuestionario, para o cal se fixará unha convocatoria específica. A cualificación das prácticas dependerá da labor experimental realizada no laboratorio e da nota obtida no cuestionario. Esta nota quedará consolidada para a 2ª oportunidade. O alumnado que fixo as prácticas en cursos anteriores conservará a nota conseguida no seu momento. II.Entregas de aula (test e problemas): ata o 20 % do valor total da materia. Ao longo do curso, organizarase a realización de 4 entregas: 2 relativas á parte A (Temas 1-8 da materia) e 2 relativas á parte B (Temas 9-15 da materia). Cada entrega terá unha duración de 1 hora e consistirá en 1 cuestionario de preguntas tipo test e problemas. Todas estas entregas se farán na aula habitual e en horario de clase. A nota das entregas quedará consolidada para a segunda oportunidade. III.Exame parcial (parte A): ata o 35 % do valor total da materia. Ao finalizar a parte A da materia (Temas 1-8) realizarase un exame parcial, que é opcional. Considerarase que o parcial está aprobado cando se obteña como mínimo un 3.5/10 en teoría e un 3.5/10 en problemas e 5 no resultado de aplicar a ecuación: *Nota parcial A=nota teoría0.40+ nota problemas0.60.* IV.Exame parcial (parte B): ata o 35 % da nota total da materia O exame parcial da parte B levarase a cabo nas datas fixadas oficialmente para a 1ª e 2ª oportunidade. Considerarase que o parcial está aprobado cando se obteña como mínimo un 3.5/10 en teoría e un 3.5/10 en problemas e 5 no resultado de aplicar a ecuación: *Nota parcial B=nota teoría0.40+ nota problemas0.60.* Os/as estudantes que superasen o parcial A só terán que examinarse da parte B. Os estudantes que non superaran a parte A ou non se presentaran, terán que examinarse de ámbalas dúas partes nas datas fixadas oficialmente na 1ª e 2ª oportunidade. Cálculo da nota final e restricións A nota final da materia será o resultado de aplicar a seguinte ecuación: Nota final=Nota parcial A0.35+Nota parcial B0.35+Entregas (cuestións e problemas) na aula0.20+Prácticas0.10 Para superar a materia terán que obter unha nota global igual ou superior a 5 e ter unhas notas mínimas de 3.5/10 en teoría e 3.5/10 en problemas (calculadas como medias das partes A e B do temario) e non ter notas inferiores a 3 en ningún exame (sexa de teoría, sexa de problemas). Non obstante, nos casos nos que o resultado de aplicar a ecuación anterior iguale ou supere o valor de 5, pero non se cumpra algún requisito de notas mínimas dos antes citados, a nota en actas será 4.9 (suspenso). 1.2. Avaliación global: Os/as estudantes teñen dereito a optar pola avaliación global seguindo o procedemento e o prazo que estableza o centro para cada convocatoria. En todos os casos, a nota final da materia calcularase avaliando un exame que terá o valor do 100% da nota e que se calculará do seguinte xeito: Nota final=Nota teoría0.40+Nota problemas0.50+Nota prácticas0.10 Para superar a materia, terán que obter unha nota igual ou superior a 5. Non obstante, nos casos nos que o resultado de aplicar a ecuación anterior iguale ou supere o valor de 5, pero non se cumpran os requisitos de notas mínimas citados para 1ª e 2ª convocatoria, terán unha nota de 4.9 en actas. 2. Convocatoria Fin de Carreira* Para a convocatoria de Fin de Carreira, a avaliación realizarase mediante un exame de teoría, problemas e prácticas, e a nota calcularase de maneira idéntica á descrita na avaliación global. 3. Datas de exames As datas dos exames serán as publicadas no taboleiro de anuncios e/ou na web do Centro. O exames realizaranse de forma presencial, salvo que a U. de Vigo decida o contrario.