I)
Para superar a materia é necesario alcanzar o 50% da puntuación no Traballo
tutelado e o 50% no resto de actividades. As actividades non superadas na
primeira convocatoria poderán ser recuperadas na segunda convocatoria,
manténdose as puntuacións en próbalas/actividades superadas. 

II). Para poder
optar ao sistema de avaliación continua, o alumnado deberá asistir (polo menos)
a 4 das 6 sesións previstas para esta materia. O alumnado que non supere a
materia por avaliación continua terá que realizar unha avaliación final
mediante unha/s proba/s, relativas aos contidos nucleares da materia, coa data
límite que marque o calendario do Máster para os exames oficiais. Esta proba de
avaliación supoñerá o 100% da puntuación, e os seus pormenores e características
serán concretadas polo profesorado ao alumnado cando este realice a consulta,
podendo ser un exame, a entrega de traballos previamente acordados e
titorizados etc.

III) En coherencia co carácter inclusivo que
caracteriza a Facultade de Educación e Traballo social, esta guía poderá ser
adaptada para atender ás necesidades específicas de apoio educativo que
presente o alumnado adscrito ao programa PIUNE (PAT). Coa finalidade de
favorecer a conciliación da vida laboral e a formación académica, os contidos,
planificación, recursos metodolóxicos e sistema de avaliación adaptaranse para
educadores en exercicio que acrediten un horario incompatible con las clases
presenciais; en todo caso, garantindo a consecución das competencias e
resultados de aprendizaxe establecidos neste documento. Abrirase un cartafol
específico na plataforma Moovi na cal se informará das tarefas e probas de
avaliación que guiarán o desenvolvemento desta materia para este alumnado.