A presenza deDidáctica da expresión plástica na especialidade do Profesorado dentro das Facultades de Ciencias da Educación, compréndese como base fundamental de comunicación relevante non lingüística que permite a transmisión de información, ideas ou/e descrición, sendo unha linguaxe desenvolvida no espazo carente de barreiras idiomáticas, cunha inmediatez única para a transmisión e captación de información, pois á vez é individual e universal. A Didáctica da expresión plástica ten un alto valor formativo, desenvolve a capacidade de comprensión da realidade, das formas que nos rodean e o seu valor expresivo. Esixe, nun primeiro estadio de aprendizaxe, saber ver a realidade, pasando dunha mirada distraída a unha visión escrutadora, debendo potenciar o dominio do ensino de procedementos, instrumentos e técnicas, que permitan a representación e expresión gráfico-plástica, e xa que logo saber facer.
