· O acto de presentación será realizado polo alumno/a diante dun Tribunal Avaliador en sesión pública na data e hora asignada.
· O/a estudante deberá estar na súa correspondente aula con suficiente anterioridade á hora á que foi convocado/a.
· Na realización do TFG, o plaxio e a utilización de material non orixinal, (incluído aquel obtido a través de internet) sen indicación expresa da súa procedencia e, se é o caso, permiso do seu autor, será considerada causa de suspenso da materia (cualificación 0) e de perda do dereito á exposición pública (defensa) do mesmo.
· O/a alumno/a exporá nun tempo máximo de quince minutos un resumo do TFG e dos principais resultados e conclusións acadados. Posteriormente, os membros do Tribunal avaliador realizarán as observacións e consideracións oportunas.
· O/a alumno/a poderá usar como soporte da súa presentación o programa powerpoint, para o cal deberá subir o ficheiro da súa presentación á plataforma faitic un día antes da data de defensa pública.
· A avaliación por parte do Tribunal seguirá os seguintes criterios:
|
Valoración |
Tema, contido, organización e calidade do TFG |
80% |
Presentación pública do TFG |
20% |
· Para a avaliación da presentación pública (defensa) do TFG atenderase aos seguintes aspectos:
|
Valoración |
Contido e organización |
25% |
Formato e claridade expositiva |
25% |
Presentación e defensa argumental |
25% |
Interacción co tribunal |
25% |
· Finalizada a presentación pública dos TFG, o Tribunal avaliador deliberará sobre a cualificación a porta pechada. Unha vez finalizada a deliberación, o Tribunal fará pública a cualificación.