=== MEDIDAS EXCEPCIONAIS PLANIFICADAS ===
Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións e a propia institución determíneno atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
=== ADAPTACIÓN DAS METODOLOXÍAS ===
Tratarán de manterse as metodoloxías previstas con carácter xeral. Para iso, empregaranse os recursos das "Aulas Integra" e o "Campus Remoto". Si por motivos técnicos non se puidese ou non conviñese manter unha docencia síncrona, os contidos impartiríanse mediante materiais audiovisuais proporcionados polos profesores a través do Campus Remoto e as plataformas FAITIC e/ou MOOVI.
En calquera caso, a atención titorial realizarase preferentemente por medios telemáticos (correo electrónico, "despacho virtual", teléfono...). Cando implique unha reunión, mesmo virtual, seguirase un sistema de cita previa.
=== ADAPTACIÓN DA AVALIACIÓN ===
Mantense o sistema de avaliación previsto con carácter xeral. En situación de excepcionalidade, as probas realizaranse por vía telemática, mediante os instrumentos proporcionados pola Universidade. |
