Os alumnos poderán optar alternativamente por seguir dous tipos de avaliación: continua ou avaliación global. A avaliación continua é o sistema preferente de avaliación. Non obstante, o alumnado poderá no periodo do 29 de xaneiro a 29 de febreiro informar ao profesorado da materia se quere mudar de avaliación continua a avaliación global.

Avaliación continua, composta polo conxunto das probas seguintes:

- Probas descritas obxecto de calificación que configurarán o 70% da nota: pequenas probas en GP que supoñen o 10% da nota e dúas probas prácticas que supoñen cada unha un 30% da nota. Non se requiren mínimos.

- Proba escrita de teoría, que configura o 30% restante da nota. Este celebrarase ao final do cuadrimestre. Non se requiren mínimos. Haberá que obter entre todas as probas un 5 para superar a materia, pero non hai mínimos en cada unha delas.

Adicionalmente, poderá valorarse até 1 punto a participación activa na clase mediante a resolución de exercicios na lousa ou outras actividades académicas propostas pola docente.

Avaliación Global: Para alumnos que non seguiron a avaliación continua durante o curso ou que seguíndoa deciden renunciar á mesma e presentarse por esta opción. Neste caso, na segunda convocatoria, deberán tamén presentarse por avaliación global. Serán avaliados cun exame de carácter global, valorado sobre 10 puntos,sobre os coñecementos de todos os contidos teóricos da materia,destrezas na práctica e adaptación ás novas situacións. Poderán esixirse mínimos na parte teórica e / ou na parte práctica.