Recoméndase ter coñecementos básicos no uso de follas de cálculos (e.g. excel ou equivalentes). Será unha ferramenta habitual en moitas das actividades de Laboratorio. Nesta materia non se impartirán "clases de follas de cálculo". Recoméndase ós alumnos que se matriculen no curso cero de follas de cálculo ofrecido gratuitamente pola FCETOU.
Nesta materia non se entregarán ós alumnos "apuntamentos" cos contidos das sesións maxistrais. É responsabilidade do alumno tomar apuntamentos das sesións e consultar o material bibliográfico adecuado (e.g. biblioteca universitaria, etc.).
O principal obxectivo da materia é "aprender coñecementos" e saber empregalos como ferramenta de análise, polo que a "memorización de contidos" non garante a superación do curso.
Finalmente, esta guía docente anticipa as liñas de actuación que se deben levar a cabo co alumno na materia, polo que se concibe de forma flexible. En consecuencia, pode requirir reaxustes ao longo do ano académico promovidos pola dinámica da clase ou pola relevancia das situacións que puideran xurdir. Así mesmo, aportaráselle ao alumnado a información e pautas concretas que sexan necesarias en cada momento do proceso formativo. |