I - Obrigatoriedade de avaliación continua:

    A materia ten carácter presencial, cualificándose de acordo a un sistema de avaliación continua irrenunciable. Excepcionalmente, aqueles alumnos
que acrediten a imposibilidade de asistencia de forma regular á docencia (obrigacións laborais, etc...), poderán solicitar dos profesores da materia a súa renuncia á avaliación continua. Se se estimase, a cualificación da materia coincidirá co 100% da nota obtida nas probas finais da materia.

II - Extensión da cualificación obtida durante a avaliación continua:

    A cualificación obtida mediante a participación nas sesións maxistrais e seminarios conservarase durante todas as convocatorias do curso académico, excepto:

   a) na convocatoria de fin de carreira.

   b) en calquera outra convocatoria, cando a cualificación de avaliación continua non alcanzase o nivel de aptitude mínimo. Neste suposto entenderase que o alumno renunciou á avaliación continua, cualificándose a materia unicamente co 100% da nota alcanzada nos exames de xullo e/ou setembro.

   c) E durante un curso académico distinto a aquel no que se practicou a avaliación continua.

III - Convocatoria de fin de carreira:

    O alumno que opte por examinarse
na convocatoria de fin de carreira será avaliado unicamente co exame (que valerá o
100% da nota). En caso de non asistir ao devandito exame, ou non aprobalo,
pasará a ser avaliado do mesmo xeito que o resto de alumnos, aínda que só poderá ser examinado noutra das dúas convocatorias oficiais do curso.

IV - Data das probas de resposta curta:

    a) 1ª Convocatoria: 24 de Marzo de 2017, ás 10:00

    b) 2ª Convocatoria: 11 de Xullo de 2017, ás 10:00

    c) Fin de Carreira: 30 de setembro de 2016, ás 16:00

    En caso de existir diferenza entre as datas anteriores e as publicadas oficialmente polo Decanato, prevalecerán estas últimas.