A modalidade de avaliación preferente é a Avaliación
Continua. Aquel alumno que opte pola Avaliación Global (o 100% da calificación
obtido no exame oficial) deberá comunicarllo ao profesor responsable da asignatura,
ben por correo electrónico ou a través do portal Moovi de teledocencia, nun
prazo non superior a un mes desde o comezo da docencia da materia. Na modalidade de Avaliación Continua, considerarase
o exame final superado (para poder sumar co resto das puntuacións) sempre que
se obteña unha cualificación mínima de 4 sobre 10. Contémplase igualmente a posibilidade de que, na segunda edición ou segunda oportunidade de avaliación,
aqueles alumnos que o soliciten previamente poderán ser avaliados
cun único exame de toda a materia, que representará o 100% da nota.

Convocatoria fin de carreira: o alumno que opte por examinarse en fin
de carreira será avaliado unicamente co exame (que suporá o 100% da nota). No
caso de non asistir a dito exame, ou de non aprobalo, pasará a ser avaliado do
mesmo modo que o resto de alumnos.

Datas de exames: fin de carreira, 22/09/2023 ás 16:00 h; primeira
edición, 08/11/2023 ás 16:00 h; segunda edición, 08/07/2024 ás 16:00 h. No caso
de erro na transcrición das datas de exames, as válidas serán as aprobadas
oficialmente e publicadas no taboleiro de anuncios e no enderezo
"web" do Centro.

Sistema de cualificacións: expresarase mediante cualificación final
numérica de 0 a
10 segundo a lexislación vixente (Real Decreto 1125/2003 de 5 de setembro;
B.O.E. do 18 de setembro).