| Seminario |
De forma paralela ás sesións maxistrais, nos seminarios abordaranse exercicios relacionados coa materia. O alumno disporá previamente de boletíns que inclúen as tarefas da materia, unha parte dos mesmos resolveranse polos profesores, mentres que outra parte resolverase por parte dos alumnos, ben sexa na aula ou de modo autónomo, individual ou en grupo. |
| Prácticas de laboratorio |
Os alumnos realizarán unha serie de prácticas onde se aplicarán as destrezas e competencias adquiridas na materia. Os alumnos, supervisados polo profesorado, levarán a cabo todo o labor experimental, incluíndo a toma dos datos, a análise dos mesmos e a obtención de resultados, necesarios para a elaboración da memoria de prácticas. |
| Aprendizaxe-servizo |
Ofértase ao alumnado participar de xeito voluntario no proxecto “Alimentando un futuro
sustentable" dedicada á produción e consumo responsable, fame cero, a industria alimentaria
e innovación.
A participación será voluntaria. Os alumnos participantes recibirán material de apoio que deberán ampliar mediante unha busca bibliográfica. Traballarán en equipo. Levarán a cabo actividades divulgativas en liña e/ou presenciais en formato de conferencia/obradoiro/charla nos centros implicados.
A aplicación desta metodoloxía está condicionada á súa aprobación na convocatoria ApS 23-24.
Para o alumnado que non participe nesta actividade, esta metodoloxía será substituída por traballos individuais ou en grupo. |
