Esta materia aborda o coñecemento dos procesos xeolóxicos que teñen lugar no ámbito mariño desde a liña de costa até a chaira abisal. Analizaranse os procesos de transporte e sedimentación que controlan o movemento de sedimento e as estruturas sedimentarias resultantes nos diferentes ambientes mariños. Tamén se aborda a interpretación sismoestratigráfica, como ferramenta para a interpretación de secuencias e ciclos xeolóxicos nos distintos ambientes sedimentarios
O contido práctico da materia consistirá nunha saída ao campo de varios días de duración para ver diferentes medios sedimentarios fósiles. Proponse visitar as concas neógenas de Sorbas; Nijar e Tabernas na provincia de Almería para a caracterización in situ da litoloxía, as facies e a arquitectura sedimentaria dunha ampla variedade de medios (abanicos aluviais, praias, deltas, arrecifes, plataformas carbonatadas, evaporitas, slumps, debris flows, turbiditas, peláxico), así como os procesos sedimentarios e tectónicos que controlaron a súa xénese e evolución espazo-temporal.
