O idioma de ensino e avaliación é inglés. A asistencia a clase na Avaliación Continua (AC) é obrigatoria, salvo circunstancias excepcionais. Utilízase AC para avaliar a materia, baseada no traballo do alumno no laboratorio e os traballos tutelados sobre os contidos da materia. Existe un exame de Avaliación Global (AG) na data oficial marcada en Xunta de Escola, ao que deben presentarse aqueles alumnos que non superen a AC e desexen aprobar a materia. Este exame de AG será cualificado entre 0 e 10 puntos e inclúe todos os temas da materia xunto con conceptos e técnicas explicados globalmente para os traballos tutelados. Para aprobar, o alumno debe obter, polo menos, cinco puntos. También poderán presentarse os alumnos que desexen mellorar a súa nota de AC, nese caso a nota final na materia será o máximo entre a nota da AC e a nota da AG. Ao longo do cuadrimestre os alumnos irán recibindo información sobre o seu progreso na AC, xunto coas notas de cada traballo tutelado e test asociado. A entrega de calquera traballo tutelado ou test suporá a participación oficial na AC, o cal implica haberse presentado á materia aínda que non se realice este exame final. A oportunidade extraordinaria no fin de curso académico consisitirá nun exame para aqueles alumnos que non superen nin a AC nin a AG. A nota da materia será a nota do exame da oportunidade extraordinaria. Este exame será cualificado entre 0 e 10 puntos, e inclúe todos os temas da materia. Para aprobar, o alumno debe obter, polo menos, cinco puntos. Na realización das actividades académicas desta materia permítese, e recomenda, o uso de intelixencia artificial xerativa (IAX). O seu uso debe realizarse de forma ética, crítica e responsable. No caso de utilizar IAX, debe avaliarse de forma crítica calquera resultado que proporcione, e verificar de forma coidadosa calquera cita ou referencia xerada. Así mesmo, débese declarar o uso das ferramentas utilizadas. Non declarar o seu uso considerarase como un caso máis de plaxio. En caso de detección de copia en calquera das probas (probas curtas, exames parciais ou exame final), a cualificación final será de SUSPENSO (0) e o feito será comunicado á dirección do Centro para os efectos oportunos” |