O alumnado poderá elixir ser avaliado mediante o sistemade avaliación continua ou, alternativamente, optar por unha única proba de avaliación global. A avaliación por defecto é a avaliación continua. Non obstante, ó inicio da terceira e última proba de avaliación continua o alumnado poderá renunciar ao dereito de seguir avaliándose por este sistema, renunciar á cualificación obtida ata ese momento en calquera das probas que xa tiveron lugar e elexir, definitivamente, o sistema de avaliación global.

Con independencia do sistema de avaliación elixido, o alumnado poderá sempre optar á máxima cualificación.

En caso de non renunciar á avaliación continua:

• A nota mínima para aprobar a materia é de 5 puntos.
• A primeira proba ten un peso do 30% na nota final. Esíxese un mínimo de 5 puntos sobre un máximo de 10. Realízase a metade do cuadrimestre, evaluando competencias financeiras básicas dos catro primeiros temas do programa.
• A segunda proba ten un peso do 30% na nota final. Esíxese un mínimo de 5 puntos sobre un máximo de 10. Realízase a final do cuadrimestre, evaluando competencias financeiras básicas dos restantes temas.
• A terceira proba ten un peso do 40% na nota final. Calificación máxima de 10 puntos. Realízase o mesmo día de data oficial de AG de primeira oportunidade. Se evalúan competencias financeiras de nivel intermedio e avanzado do programa.
• A nota final é a media ponderada das tres probas.
• Considerarase que o alumnado participa na avaliación continua cando se teña presentado a mais dunha proba desta modalidade.

Avaliación global (en primeira oportunidade, en segunda oportunidade e, obrigatoriamente, en Fin de Carreira):

• A nota mínima para aprobar a materia é de 5 puntos.
• A proba é presencial e consta de tres partes que avalían, respectivamente, competencias financeiras básicas, intermedias e avanzadas.
• Coa primeira parte da proba pódese conseguir ata 6 puntos e coas dúas partes restantes ata 4 puntos máis, podendo acadar unha puntuación máxima de 10 puntos.