Existe un segundo
itinerario coa posibilidade de superar a materia nunha proba
final única, oral ou escrita, que incluirá contidos de teoría e
prácticas. A solicitude para acollerse a este segundo itinerario deberá
ser comunicado ao profesor coordinador da materia ao comezo do
semestre e deberá estar suficientemente motivada. A decisión do
profesor coordinador sobre a solicitude estará baseada no criterio
prioritario de que este segundo itinerario non é o que ofrece aos
alumnos as mellores posibilidades de aprendizaxe. A avaliación desta
modalidade será ponderada cun 80 % para os contidos de teoría do
exame e un 20 % para os contidos de prácticas.
No
exame da segunda oportunidade os alumnos poderán mellorar as
cualificacións de prácticas e seminarios no caso de non alcanzar a
nota mínima de 4. Si estivesen aprobadas, as cualificacións de
prácticas e seminarios manteranse na segunda oportunidade no
caso de ter que repetir unicamente as probas de tipo test de teoría ou
viceversa.
Advírtese que ao exame de
segunda oportunidade soamente poderán presentarse aqueles alumnos cuxa
cualificación nas actas oficiais sexa de suspenso ou non
presentado, dado que os aprobados xa non aparecerán nas actas da
segunda oportunidade.
Os alumnos repetidores poderán conservar as cualificacións das prácticas de laboratorio e das titorías en grupo (seminarios) do ano anterior soamente, sempre que as aprobaron. Os
alumnos repetidores que realicen as prácticas e seminarios hai máis tempo deberán realizalas novamente para superar a materia.