|
A copia ou plaxio total ou parcial en calquera tipo de traballo ou exame suporá unha cualificación de 0 nesa proba / exame. Alegar descoñecemento sobre o plaxio non eximirá o estudantado da súa responsabilidade neste aspecto.
Recoméndase utilizar os recursos bibliográficos da Biblioteca FFT.
Na avaliación teráse en conta non só a pertinencia e calidade do contido dos traballos ou exames senón tamén a súa corrección lingüística. Non se recomenda cursar esta materia sen ter previamente superadas as materias "Primeiro idioma estranxeiro: Inglés", en tódolos niveis (I a VII), (no marco CEFR, nivel B2 a C1)
O docente poderá facer unha proba de avaliación alternativa a maiores das contempladas nesta guía en caso de que sospeite de que algún traballo (oral ou escrito) ou exame (oral ou escrito) se teña feito total ou parcialmente usando ferramentas de Intelixencia Artificial sen telo declarado.
Neste sentido, dada a imposibilidade de probar a utilización da IA, a mera sospeita por parte da persoa docente será condición suficiente como para que a proba suxeita a xuízo se anule e se substitúa pola proba alternativa, que se realizará en data e hora establecida polo docente. |
