É unha materia de seis créditos que se imparte no primeiro cuadrimestre do terceiro curso do grao e que está concibida como unha continuación da materia Segundo Idioma Estranxeiro IV, impartida no segundo cuadrimestre, como un curso orientado cara á ampliación do coñecemento básico do alemán e a súa cultura. Por tanto, presupón un coñecemento básico-medio tanto lingüístico como cultural e persegue a consolidación dun nivel medio de coñecemento e uso da lingua alemá; isto é o paso da A2.2 a B1.1. Xa que logo, debe entenderse esta materia como un curso de consolidación dunha boa base para seguir profundando máis adiante nos coñecementos e no uso do alemán, na súa gramática e no seu léxico, así como noutros aspectos culturais xerais igualmente necesarios para unha aprendizaxe oral e práctica da lingua cotiá alemá. Ao superar a materia a/o estudante acadará un nivel B1.1. segundo o Marco Común de Referencia para as Línguas.
