| Seminario |
No ámbito da acción titorial distínguense as accións de titoría académica, así como a titoría personalizada. No primeiro caso, os alumnos terán á súa disposición horas de titorías nas que poderán consultar calquera dúbida relacionada cos contidos, organización e planificación da materia, co desenvolvemento dos temas, casos prácticos, comentarios de texto, etc.
As titorías poden ser individualizadas, pero fomentaranse as titorías en grupo para a resolución de problemas relacionados coas actividades a realizar en grupo, ou simplemente para informar ao docente da evolución do traballo colaborativo.
Nas titorías personalizadas, cada alumno, de xeito individual, poderá comentar co profesor calquera problema que lle impida realizar un seguimento adecuado da materia, para atopar entre ambos algún tipo de solución.
Combinando ambos tipos de acción titorial, preténdese compensar os diferentes ritmos de aprendizaxe a través da atención á diversidade.
Os profesores da materia atenderán persoalmente as dúbidas e consultas dos alumnos, tanto de forma presencial, segundo o horario que se publicará na páxina web do centro, como a través de medios telemáticos (correo electrónico, videoconferencia, foros da plataforma Moovi) baixo a modalidade de cita previa. |
|
