| Lección maxistral |
Nas clases de teoría explícanse os fundamentos de cada tema. Os alumnos dispoñen por adiantado do desenvolvemento do tema que se está estudando, ademais da información da web
que contén o arquivo coa presentación do tema. Ás clases de teoría recoméndaselles
dedicar entre media hora e unha hora dependendo dos contidos.
Utilizaranse presentacións informáticas e a lousa. Na medida do posible, proporcionarase copia das transparencias aos alumnos con anterioridade á exposición, centrando o esforzo do profesor e do alumnado na exposición e comprensión dos coñecementos. De todos os xeitos, as reproducións en papel das transparencias nunca deben ser consideradas como substitutos
dos textos ou apuntamentos, senón como material complementario. |
| Resolución de problemas |
A metodoloxía empregada será a resolución de problemas e/ou exercicios. Nos seminarios aos
alumnos propónselles unha serie de casos prácticos que teñen que realizar en grupo. Elabórase
o material docente que teñen que utilizar, e discutiranse as diferentes alternativas traballando en grupo
e farase unha posta en común das alternativas estudadas. |
| Prácticas de laboratorio |
Deseñáronse unha serie de prácticas acorde co desenvolvemento da materia de teoría co fin de fixar conceptos explicados nesa clase e así o alumnado vaia desenvolvendo a súa habilidade para expor solucións técnicas. O método didáctico a seguir na impartición das clases prácticas consiste en que o profesor tutela o traballo que realizan os diversos grupos nos que se divide o alumnado. Dedicaranse dúas sesións ás prácticas no laboratorio.
Para as outras cinco sesións proporase unha aprendizaxe baseada en proxectos. Proporase un proxecto a realizar en grupo (preferiblemente de dúas persoas). A solución do proxecto esixirá a contribución do coñecemento adquirido por cada membro do grupo, garantindo así a interdependencia positiva que se require para o éxito do traballo colaborativo. Por outra banda, o proxecto será avaliado de maneira que se garanta a esixencia individual e a interdependencia positiva, isto é, todos os membros do grupo deben traballar e contribuir ao produto final e deben dominar, minimamente, todos os aspectos do proxecto. O proxecto realizarase en cinco sesións de laboratorio. Proporcionarase sempre material e bibliografía, e realizarase unha exposición pública do proxecto realizado. |
