| Plan de social media (máximo 20.000 palabras) |
Descrición e análise previa do perfil persoal ou da marca sobre a que se desenvolverá o traballo.
Definición de obxectivos que se pretende alcanzar.
Descrición de audiencias ou público obxectivo.
Creación dunha identidade corporativa gráfica, coas adaptacións necesarias para a utilización dun blogue e en redes sociais.
Descrición da estratexia formulada e as accións propostas. Estas accións deben incluír necesariamente a creación dun blogue e a presenza nun mínimo de tres redes sociais. Desde o punto de vista do contido, será necesario xerar pezas de todo tipo (texto, imaxe, fotografía, audiovisual, infografía...)
Cronograma de desenvolvemento do plan: deberá incluírse unha planificación na que se contemple un mínimo de cinco entradas de blogue e 100 pezas para redes sociais. Para o cómputo de 100 pezas publicadas teranse en conta tanto o contido propio como a curación de contidos de terceiros relacionados coa marca; neste senso, o volume de pezas públicas será a suma das publicacións no conxunto das redes sociais seleccionadas no social media plan.
Descrición das métricas e indicadores que se utilizarán para a avaliación do plan.
|
| Memoria de execución |
Creación do portfolio profesional dos elementos creados ata a data de entrega do TFM. Debe cumprir cos seguintes requisitos:
Publicación dun mínimo de 5 entradas no blog de polo menos 500 palabras de extensión cada unha, nas que se incluirán contidos audiovisuais (imaxes, vídeo, audio, hiperligazóns...) xerados polo estudante.
Publicación dun mínimo de 50 entradas nas redes sociais, nas que se utilizará polo menos unha vez un vídeo de creación propia e unha infografía, que formen parte da planificación entregada no Plan de Social Media. Estas publicacións deben estar realizadas antes da solicitude de defensa do TFM.
Informe de impacto: dado que é necesaria a execución parcial ou total dos contidos antes da data de entrega do TFM, deberán engadirse os informes de impacto destes contidos conforme á descrición de KPIs formulados no apartado de métricas e indicadores de avaliación.
Breve exposición de conclusións que resuman o proceso de autoaprendizaxe.
|
