O obxectivo xeral desta materia é achegarlle ao alumnado os conceptos básicos e a metodoloxía de
elaboración, execución e avaliación das políticas públicas coa intención de que, por unha banda, afonde na lóxica do proceso político-administrativo no seu conxunto e, por outra, se familiarice coas ferramentas que a ciencia política pon á disposición dos profesionais para aumentar a eficacia do proceso de elaboración e realización de programas públicos.
En definitiva, ao final do curso, o alumnado poderá:
– Definir e documentar ordenadamente as diferentes definicións que nun momento dado se poidan
establecer sobre un problema público.
– Identificar o público obxectivo dun programa e o público interesado dunha iniciativa pública.
– Recoñecer e valorar as solucións alternativas a un problema.
– Valorar os produtos e resultados dunha actuación pública.
– Coñecer os diferentes tipos de avaliación e a súa aplicación a cada fase do proceso de políticas públicas.
