O deseño desta materia está pensado para que as futuras mestras/es adquiran a capacidade de reflexionar criticamente sobre o feito educativo en xeral e sobre a súa propia práctica en particular desde un punto de vista científico; entendendo, por tanto, que esta capacidade de reflexión é un instrumento esencial para a mellora educativa e o desenvolvemento profesional da docencia.
Os contidos que se propoñen articulan o diálogo epistemolóxico mediante tres bloques de temas: os fundamentos da innovación e a investigación educativa, o seu deseño e desenvolvemento e, finalmente, a práctica da innovación/investigación educativa a través de contidos sobre a difusión e impacto na mellora educativa.
As actividades están pensadas como oportunidade para desenvolver as competencias a partir da aplicación e a transferencia dos distintos saberes. Están deseñadas para facilitar a integración conceptual desde unha perspectiva crítica, reflexiva e comprometida co pleno desenvolvemento do educando.
É importante tamén que o alumnado comprenda que a innovación/investigación realízase nun contexto educativo concreto e que, por tanto, faise necesario adquirir unha serie de coñecementos e condutas específicos, que teñen como referencia esencial principios éticos e o código deontolóxico da profesión.
