A Bioclimatología ocúpase do estudo das interrelacións que se establecen entre o clima e os organismos vivos. É un campo de estudo moi amplo que atrae a científicos e estudiosos de diversas disciplinas. En ocasións distínguese entre Bioclimatología humana, Bioclimatología vexetal (agrícola ou forestal) e a Bioclimatología animal. Está emparentada coa Aerobiología, a Fenología, a Bioclimatología urbana, a Bioclimatología do turismo e do recreo.
O interese da Bioclimatología relacionase coa importancia dos efectos do clima sobre o confort das persoas, o rendemento e a calidade das colleitas agrícolas e as producións gandeiras e forestais, pero tamén polas súas implicacións para a ordenación do territorio e o deseño dos equipamentos públicos e residenciais.
