A asignatura Deseño para a Web introduce ao estudantado nos fundamentos teóricos e prácticos do deseño aplicado a contornos dixitais interactivos. Abórdanse os principios do desenvolvemento web frontend, así como os soportes, formatos e estándares propios do deseño na web actual. O contido do curso inclúe a creación de imaxes, gráficos e animacións optimizadas para o soporte pantalla e a aplicación de principios de deseño responsive en diferentes dispositivos. Profúndízase na usabilidade, na experiencia de usuario (UX), así como nos fundamentos da arquitectura da información e da navegación web. O alumnado aprenderá a planificar, prototipar e deseñar interfaces web interactivas mediante o uso de ferramentas de prototipado web, desenvolvendo proxectos completos desde o mapa conceptual ata a súa implementación visual.
