A.- Avaliación continua:

Aqueles alumnos que sigan o proceso de avaliación continua, deberán presentarse obrigatoriamente a dúas probas sobre os contidos teórico-prácticos da materia, obtendo para poder superar a mesma unha cualificación mínima de 5 en ambas. Se superan ambas as probas estarán eximidos da realización dunha proba final segundo o previsto no calendario oficial. A cualificación final seguindo o proceso de avaliación continua e superando as 2 probas citadas, obterase do proceso de avaliación anteriormente descrito na presente guía, ademais han de xustificar o 100% da resolución de problemas de forma autónoma propostos pola coordinación da materia. Os alumnos que non se presenten, porque teñan obrigación á proba finais oficiais establecidas polo centro (xuño e xullo), cualificaráselles como "Non presentado", aínda que seguisen o proceso de avaliación continua.

B.- Estudantes que non sigan a avaliación continua.

Consideraranse estudantes que non seguiron o proceso de avaliación continua:

a) aqueles que renuncien ao proceso expresamente antes da 3ª semana de docencia

b) aqueles que non se presenten a algunha das 2 probas obrigatorias do proceso de avaliación continua

c) aqueles que non xustifiquen a realización do 100% de probas establecidas pola coordinación da materia realizados de forma autónoma ao longo do curso académico

Os estudantes que non sigan o proceso de avaliación continua, terán dereito a examinarse da materia nun exame final nas datas oficiais establecidas polo centro, cunha puntuación de 0 a 10 puntos, debendo obter unha cualificación mínima de 5. Esta modalidade será tanto para a convocatoria ordinaria e extraordinaria (xuño e xullo).

Lás datas de exames oficiais das convocatorias ordinaria de xuño e e extraordinaria de xullo serán as publicados segundo a páxina web do centro:  https:// fcomercio. uvigo.es/

A condición de que o ou a estudante superase a materia segundo os criterios antes descritos, sumarase á nota que obtivese un máximo de 1 punto pola participación en actividades internas ou externas que eventualmente teñan lugar durante o cuadrimestre en que se imparta a materia, e que o profesorado desta materia considere de interese. Poderá tratarse de actividades organizadas polo centro, a universidade, ou outras entidades, como visitas a empresas, charlas, mesas redondas, conferencias, talleres, seminarios, ou similares.

Para iso, o profesorado da materia comunicará previamente ao alumnado polos medios habituais (en horas presenciais ou por outros medios habilitados) aquelas actividades nas que a participación supoñerá un incremento da nota. Bonificarase a participación en cada actividade con 0,25 puntos, e ata un máximo de 1 punto; en calquera caso a nota final da materia non poderá superar o máximo de 10.

O alumnado deberá achegar algún documento acreditativo da súa participación en cada actividade que desexe que se lle contabilice nos prazos indicados pola persoa que coordine a materia. No caso de actividades organizadas polo centro, este encargarase de recompilar a devandita información e trasladala ao profesorado.