A) PRIMEIRA EDICIÓN DE ACTAS Existen dous sistemas de avaliación. A elección dun sistema exclúe ao outro. A1) AVALIACIÓN CONTINUA Para poder acollerse ao sistema de avaliación continua é necesario asistir a clase para demostrar aproveitamento, participación, entrega de tarefas puntuais que non se poden recuperar fóra da aula. Os alumnos que se acollan á avaliación continua se lles computará: 1) Un 10% da cualificación final coa participación en clase (participación nas actividades de clase, realización de exercicios prácticos) 2) Un 40% da cualificación final con exercicios e probas ó longo do cuadrimestre: Preparación e entrega de traballos para completar a unidade didáctica abordada, exposicións orais e outros traballos (a entregar en man e/ou por Moovi). Os traballos solicitados deberán entregarse ou presentarse nos prazos e datas marcados. Os traballos non realizados ou entregados fora de prazo computaranse cunha cualificación de 0,0 puntos. 3) Un 50% cunha proba final oral (tipo role play) A nota final calcularase coa media ponderada das diferentes partes, debendo obter un mínimo dun 4 en todas elas. No caso de non acadar o 4 nalgunha das partes, a asignatura estará suspensa. O alumnado que non supere a evaluación continua na primeira edición das actas terá que facer a proba da segunda edición das actas, que suporá o 100% da calificación final (ver apartado B). A2) AVALIACIÓN NON CONTINUA A avaliación única (avaliación non continua) consistirá nunha proba global final (100%) que se realizará na mesma data que a proba final do alumnado que se acolla á avaliacion continua (apartado (3) de arriba). Para o alumnado da avaliación non continua, esta proba final consistirá en: 1) unha proba escrita (50%) 2) unha proba oral (50%). A proba oral terá lugar a continuación da proba escrita. Para superar a materia deberá acadarse un mínimo de 4 sobre 10 en cada unha das dúas partes. De non cumprirse este requisito, aínda que a media aritmética das dúas partes sexa 5 ou superior, a/o alumna/o non superará a materia. B) SEGUNDA EDICIÓN DE ACTAS O alumnado que non supere a materia na primeira edición de actas poderase presentar en xuño/xullo para a segunda
edición de actas na data oficial fixada pola Xunta de Facultade. A avaliación consistirá en dúas probas: 1) unha proba escrita (50%) 2) unha proba oral (50%). A proba oral terá lugar a continuación da proba escrita. Para superar a materia deberá acadarse un mínimo de 4 sobre 10 en cada unha das dúas partes. De non cumprirse este requisito, aínda que a media aritmética das dúas partes sexa 5 ou superior, a/o alumna/o non superará a materia. Compromiso ético: espérase que o alumnado presente un comportamento ético adecuado. En caso de detectar un comportamento non ético (copia, plaxio, utilización de aparellos electrónicos non autorizados, por exemplo), a cualificación global será de suspenso (0,0).
|