As partes da materia superadas na 1ª oportunidade non
serán obxecto de avaliación na 2ª, considerándose aprobadas nese curso
académico. O alumnado que non supere a materia por avaliación
continua (obrigatorio asistir polo menos a 4 das 6 sesións) terá unha proba de avaliación, ao redor
dos contidos nucleares da materia, coa data tope que marque o calendario do
mestrado para os exames oficiais. En coherencia co carácter inclusivo que caracteriza a
Facultade de Educación e Traballo social, esta guía poderá ser adaptada para
atender ás necesidades específicas de apoio educativo que presente o alumnado
adscrito ao programa PIUNE (PAT). Coa finalidade de favorecer a conciliación da vida
laboral e a formación académica, os contidos, planificación, recursos
metodolóxicos e sistema de avaliación adaptaranse para educadores en exercicio
que acrediten un horario incompatible coas clases presenciales; en todo caso,
garantindo a consecución das competencias e resultados de aprendizaxe
establecidos neste documento. A avaliación para os nos asistentes consistirá nunha
proba que suporá o 100% da puntuación, os seus pormenores e características
serán concretadas polo profesorado o día da presentación da materia e cando se
faga a consulta persoalmente. Abrirase un cartafol específico na plataforma
Moovi, denominado “Alumnado non
asistente” no que se presentarán os detalles da mesma. As datas dos exames
oficiais poden consultarse na web do Mestrado:
http://masterdiversidade.webs.uvigo.es/gl/ |