As datas dos exames da materia poderán ser consultadas na páxina web da Facultade http://fccee.uvigo.es Para o alumnado do grao en ADE, a nota final do curso virá dada pola seguinte fórmula:
NF=A+(10-A)E/10
sendo A a nota da avaliación continua (máximo de 5 puntos) e E a nota do exame final (máximo de 10 puntos).
O mesmo sistema de avaliación será seguido no caso da convocatoria de fin de carreira.
En caso de non superar a materia na primeira convocatoria, a nota obtida polo traballo ao longo do curso manterase para a segunda convocatoria. Os puntos da avaliación continua obteranse por: a asistencia a clase e a participación nela, as probas curtas realizadas nas clases prácticas ao longo do curso e os exercicios e/ou traballos propostos previamente e realizados fóra das horas de clase. A fórmula empregada permite ao estudantado ser avaliado como máis lle conveña, pois entre a cualificación obtida por avaliación continua e a obtida por avaliación global outorga ao estudante as mellor entre as dúas posibilidades, non sendo preciso acadar unha puntuación mínima en ningún apartado para poder superar a materia. Por esta razón NON será preciso que o alumnado que renuncie á avaliación continua o comunique con antelación.
Para o alumnado do dobre grao ADE-Dereito, a nota final do curso será a suma de: a) nota obtida na proba (ou no conxunto de probas) realizada no cuatrimestre (cunha ponderación do 45% sobre o total) b) nota obtida nas prácticas de ordenador (5%) c) nota obtida nunha última proba (cunha ponderación do 50% do total) que coincidirá coa data do exame final Para o estudantado que non se presente á primeira das probas que se realicen, enténdese que opta por ser avaliado exclusivamente cun exame final que suporá o 100% da cualificación. Na convocatoria de fin de carreira, o exame suporá o 100% da cualificación. |