A cualificación final da materia calcularase como o valor máximo entre o exame e (0.6 x exame + 0.4 x probas). Do cálculo anterior dedúcese que o estudantado pode ser avaliado cun único exame que supoña o 100% da cualificación.

A data do exame será a especificada no calendario oficial de probas de avaliación aprobado pola Xunta de Facultade para o curso e publicadas na páxina web do centro.

Nas convocatorias extraordinarias do curso manteranse os mesmos criterios de avaliación, polo que se gardará a nota de avaliación das probas realizadas durante o curso académico. Na convocatoria de fin de carreira o exame supoñerá o 100% da avaliación.