Esta materia ten por obxectivo principal ofrecer unha panorámica das correntes da teoría política normativa contemporánea (liberalismo, marxismo, comunitarismo, nacionalismo, multiculturalismo, teoría de xénero e pensamento verde) que marcaron os debates teóricos nas últimas cinco décadas.
Dunha banda, o estudo da Teoría política permite desenvolver unha perspectiva crítica para a comprensión dos problemas fundamentais das democracias contemporáneas e, doutra banda, serve descubrir os presupostos (filosóficos, éticos, políticos...) subxacentes nos arranxos institucionais e nas políticas públicas das democracias contemporáneas. Trátase, por tanto, dun exercicio de depuración de argumentos, ideas e conceptos políticos que permitan enriquecer conceptos e o vocabulario cos que pensar e avaliar a acción política hoxe.
