Condicións de avaliación:

• Cada alumna e cada alumno confeccionará un cartafol/diario e/ou
  caderno de laboratorio nos que haberá parte grupal e parte individual,
  subirao á sección particular específica da aula virtual da materia-curso
  en FAITIC ou Moovi. O traballo consistirá na recolleita do seguimento das sesións
  lectivas, coas notas de aula, ampliacións, achegas, reflexións propias e
  coa avaliación e autoavaliación das sesións correspondentes. A
  realización completa e a entrega deste diario/cartafol/caderno de
  laboratorio será condición necesaria e imprescindible para acollerse á
  opción de modalidade presencial de avaliación continua.
• Os documentos e arquivos dos traballos e tarefas do curso serán
  dispostos, en tempo e forma segundo os prazos programados, por cada alumna
  e cada alumno no seu espazo persoal respectivo na aula virtual do curso en
  FAITIC ou Moovi, en formatos de código aberto ou de visores libres.
• Para poder acollerse á avaliación continua a través de actividades na
  aula virtual é preciso asistir ás aulas nun 80% do tempo presencial cun
  aproveitamento axeitado.  (No caso de que non se poida levar a cabo a
  modalidade de ensinanza presencial  pola evolución
  da alerta sanitaria provocada pola COVID-19, eliminarase este requisito de
  asistencia para levar a cabo esta avaliación e seguirase o indicado no Plan de Continxencias).
• Para obter unha avaliación positiva é preciso obter a cualificación de
  aprobado en cada un dos traballos e probas de avaliación e observar un
  comportamento correcto nas sesións presenciais, xa que se valorará como
  condición imprescindible que o aproveitamento e a participación sexan
  axeitadas.
• A cualificación final será obtida mediante a acumulación porcentual de
  cada unha das cualificacións singulares
• O alumnado que non asistíu a clase, para obter
  unha avaliación positiva, deberá realizar exame (dúas probas escritas
  presenciais sobre os contidos da materia xerais e de de laboratorio,
  respectivamente). As datas de exames poden consultarse na web da facultade
  no apartado de organización académica http://fcced.uvigo.es/gl/docencia/exames
  . Cómpre obter a cualificación de aprobado en cada un dos apartados
  establecidos nas probas de avaliación e observar un comportamento
  correcto. A cualificación final será obtida mediante a acumulación
  porcentual de cada unha das cualificacións singulares.

De non ter superada a materia na primeira convocatoria, as competencias
non adquiridas serán avaliadas na convocatoria de xullo’

Criterios de avaliación da 2ª convocatoria:

• Para obter unha avaliación positiva o alumnado que asistíu
  regularmente a clase, coa porcentaxe de asistencia indicada
  anteriormente, poderá optar por presentar as tarefas e traballos pendentes
  indicados para a 1ª convocatoria ou pola realización de exame (dúas probas
  escritas presenciais sobre os contidos desenvolvidos na aula e no
  laboratorio, respectivamente)- as datas de exames poden consultarse na web
  da facultade no apartado de organización
  académicahttp://fcced.uvigo.es/gl/docencia/exames. Cómpre obter a
  cualificación de aprobado en cada un dos apartados establecidos nas probas
  de avaliación e observar un comportamento correcto. A cualificación final
  será obtida mediante a acumulación porcentual de cada unha das
  cualificacións singulares.
• O alumnado que non asistíu a clase, para
  obter unha avaliación positiva, deberá realizar exame (dúas probas
  escritas presenciais sobre os contidos da materia xerais e de de
  laboratorio, respectivamente)- as datas de exames poden consultarse na web
  da facultade no apartado de organización académica http://fcced.uvigo.es/gl/docencia/exames.
  Cómpre obter a cualificación de aprobado en cada un dos apartados
  establecidos nas probas de avaliación e observar un comportamento
  correcto. A cualificación final será obtida mediante a acumulación
  porcentual de cada unha das cualificacións singulares.

Suxerencias:

• Na bibliografía inclúese a referencia completa do libro titulado
  Ciencia para educadores . O uso deste libro está recomendado para poder
  realizar unha parte importante das actividades e traballos que serán
  obxecto de avaliación.
• O libro titulado Didáctica de las ciencias en la educación secundaria
  será tamén de uso recomendado