Os documentos e arquivos dos traballos e tarefas do curso serán dispostos, en tempo e forma segundo os prazos programados, por cada alumna e cada alumno no seu espazo persoal respectivo na plataforma virtual Intranet, en formatos PDF. Para poder acollerse á avaliación continua é preciso asistir ás aulas nun 80% do tempo presencial cun aproveitamento idóneo. Se o estudantado supera o límite de faltas permitidos, non se poderá acoller á devandita avaliación continua e terá que realizar un exame teórico-práctico específico e entregar todos os traballos solicitados. Para obter unha avaliación positiva é preciso obter a cualificación de aprobado en cada un dos apartados establecidos nas probas de avaliación e observar un comportamento correcto nas sesións presenciais, xa que se valorará como condición imprescindible que o aproveitamento e a participación sexan correctas. A cualificación final será obtida mediante a acumulación porcentual de cada unha das cualificacións singulares. Criterios de avaliación da 2ª convocatoria:Para obter unha avaliación positiva o alumnado terá que acollerse ás mesmas condicións que as establecidas para a 1ª CONVOCATORIA. Fai falta obter a cualificación de aprobado en cada un dos apartados establecidos nas probas de avaliación e observar un comportamento correcto. A cualificación final será obtida mediante a acumulación porcentual de cada unha das cualificacións singulares. Observacións: Estes criterios de avaliación son unha declaración de intencións sobre o traballo dos estudantes na materia; polo que poden sufrir lixeiras modificacións derivadas do consenso co grupo clase ou por circunstancias imprevistas. As datas dos exames e das titorías determinaranse oficialmente e publicaranse na web: http://www.escuelamagisterioceuvigo.es/ |