Para aprobar a materia é condición necesaria superar cunha puntuación mínima do 50% cada un dos apartados anteriores.
Aqueles estudantes que non a superen na convocatoria de final de cuadrimestre, poderán recuperala na convocatoria de xullo, onde o sistema de avaliación será exactamente o mesmo. As datas e horarios dos exames de ambas as convocatorias serán os establecidas no calendario de probas de avaliación para o curso 2020-21 e que poden ser consultadas en https://www.escuelamagisterioceuvigo.es/organizacion-academica/
Así mesmo, aqueles/as alumnos/as que por causas xustificadas non poidan asistir a clase deberán realizar, ademais das mesmas actividades que os seus compañeiros, un traballo adicional que irán elaborando ao longo do cuadrimestre e que deberán presentar o mesmo día do exame. Deben porse en contacto coa profesora nun prazo dun mes desde o comezo do cuadrimestre.
As faltas de ortografía, tanto nos traballos presentados ao longo do cuadrimestre como no exame final, teranse en conta e por cada unha descontarase 0,15 da nota final.
Os correos electrónicos serán atendidos pola profesora sempre que sexan enviados a través da plataforma Intranet e deberán presentar un asunto detallando a razón do mesmo, así como unha correcta redacción.
Trátase dun proceso de avaliación continua de todo o traballo desenvolvido polo estudante ao longo do curso. A asistencia regular ás clases, tanto teóricas como prácticas, é aconsellable e valorarase positivamente a actitude e a participación.
Estes criterios de avaliación son unha declaración de intencións sobre o traballo dos estudantes na materia polo que poden sufrir lixeiras modificacións. |