Guia docente 2020_21 Facultade de Ciencias do Mar

Metodoloxía docente

	Descrición
Lección maxistral	Clases nas que o profesorado ofrece unha visión global dos contidos da materia, incidindo nos aspectos de maior importancia e dificultade para o alumnado. O material necesario estará dispoñible na plataforma Tem@.
Resolución de problemas	Actividade na que se profundiza sobre algúns aspectos dos temas tratados na materia, resolvéndose ademais problemas, exercicios e cuestións. Adicionalmente, o alumnado debe traballar exercicios e cuestións propostos, de acordo ás pautas establecidas polo profesorado nas clases e seminarios da materia.
Prácticas de laboratorio	O alumnado levará a cabo diferentes experimentos no laboratorio ao longo de varias sesións. Os guións de prácticas estarán dispoñibles na plataforma Tem@. Posteriormente, o alumnado debe elaborar un informe de prácticas, no que incluirá os resultados obtidos, discusión e conclusións relativas á práctica realizada. Unha vez finalizadas as prácticas, os estudantes deberán contestar unha serie de cuestións relacionadas co traballo desenvolvido.