Ante a incerta e imprevisible evolución da alerta sanitaria provocada pola COVID-19, a Universidade establece una planificación extraordinaria que se activará no momento en que as administracións e a propia institución o determinen atendendo a criterios de seguridade, saúde e responsabilidade, e garantindo a docencia nun escenario non presencial ou non totalmente presencial. Estas medidas xa planificadas garanten, no momento que sexa preceptivo, o desenvolvemento da docencia dun xeito mais áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes DOCNET.
Cabe sinalar que está activa a plataforma FaiTIC de forma específica para a materia, que se emprega como canle de organización e comunicación de todas as actividades formativas e de avaliación que afectan a todo o alumnado matriculado na materia TFM. Tamén está ao dispor do alumnado e profesorado o Campus Remoto da Universidade de Vigo.
1. Modalidade semipresencial
No caso de activarse o ensino semipresencial supoñería unha redución dos aforos dos espazos docentes empregados na modalidade presencial, polo que como primeira medida o centro proporcionaría á persoa coordinadora da materia a información relativa aos novos aforos dos espazos docentes, para que poida proceder a reorganizar as actividades formativas que resta do cuadrimestre.
No caso da materia TFM esta limitación podería afectar a aquelas actividades formativas que realiza todo o alumnado da materia TFM conxuntamente en aula (8 horas de sesión maxistral). En particular, se as circunstancias limitasen ou impedisen a realización presencial das sesións maxistrais realizaranse as mesmas en formato non presencial a través do Campus Remoto.
Cando o desenvolvemento do TFM supoña a realización de actividades presenciais de tipo práctico en laboratorio instrumental, laboratorio de informática ou prácticas de campo, planificarase a realización das devanditas actividades tendo en conta os aforos e condicións de uso dos espazos docentes.
As sesións de titorización poderán realizarse por medios telemáticos (correo electrónico, videoconferencia, foros de FAITIC, ...) baixo a modalidade de concertación previa.
En canto ao acto de defensa do TFM, se as circunstancias impedisen ou limitasen a realización da defensa en modalidade presencial, levarase a cabo en modalidade non presencial a través do CampusRemoto.
Informarase en todo caso a todo o alumnado a través da plataforma FaiTIC da materia das condicións nas que se devolverán as actividades formativas e de avaliación da materia TFM.
2. Modalidade non presencial
No caso en que se active a modalidade de ensino non presencial (suspensión de todas as actividades formativas e de avaliación presenciais) empregaranse as ferramentas dispoñibles na actualidade na Universidade de Vigo: Campus Remoto e FaiTIC.
As condicións de reorganización dependerán do momento ao longo do cuadrimestre en que se active dita modalidade de ensino e do estado de desenvolvemento do TFM. No caso das sesións maxistrais (8 horas) que son realizadas por todo o alumnado realizaranse as mesmas en formato non presencial a través do Campus Remoto.
No caso de que existan dúbidas sobre a viabilidade do TFM tal como estaba concibido por requirir realización de actividades presenciais inescusables (laboratorio instrumental, laboratorio de informática ou actividades de campo), pódese reformular devandito traballo, tomando como punto de partida o traballo xa realizado polo alumnado.
En canto ao acto de defensa, realizarase o acto de defensa en modalidade non presencial a través do Campus Remoto.
Informarase en todo caso a todo o alumnado a través da plataforma FaiTIC da materia das condicións nas que se devolverán as actividades formativas e de avaliación da materia TFM.
|
