Ante a incerta e imprevisible evolución da alerta sanitaria provocada pola COVID-19, a Universidade establece una planificación extraordinaria que se activará no momento en que as administracións e a propia institución o determinen atendendo a criterios de seguridade, saúde e responsabilidade, e garantindo a docencia nun escenario non presencial ou non totalmente presencial. Estas medidas xa planificadas garanten, no momento que sexa preceptivo, o desenvolvemento da docencia dun xeito mais áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes DOCNET.
1. Modalidade semipresencial
No caso de activarse a ensinanza semipresencial suporía unha redución dos aforos dos espazos docentes empregados na modalidade presencial, polo que como primeira medida o centro proporcionaría ao profesorado da materia a información relativa aos novos aforos dos espazos docentes, ao obxecto de que poida proceder a reorganizar as actividades formativas do que resta do cuadrimestre. Cabe sinalar que a reorganización dependerá do momento ao longo do cuadrimestre en que se activase dita modalidade de ensino. Na reorganización das ensinanzas seguiríanse as seguintes pautas:
Informar a todo o alumnado a través da plataforma FaiTIC das condicións en que se desenvolverán as actividades formativas e as probas de avaliación que resten para finalizar o cuadrimestre.
As sesións de titorización poderán realizarse por medios telemáticos (correo electrónico, videoconferencia, foros de FAITIC, ...) baixo a modalidade de concertación previa.
No caso de que parte do alumnado tiña realizadas prácticas de laboratorio instrumental ou de informática de forma presencial, realizar presencialmente, de ser posible, estas actividades ou equivalentes para o alumnado que non as realizou.
Das actividades que resten para rematar o cuadrimestre, identificar aquelas actividades formativas que poidan ser realizadas por todo o alumnado de forma presencial e as actividades formativas que se realizarán en modo remoto.
En relación as ferramentas para a empregar para as actividades formativas que se realicen en modo non presencial, contarase co uso de CampusRemoto e a plataforma FaiTIC.
2. Modalidade non presencial
No caso en que se active a modalidade de ensino non presencial (suspensión de todas as actividades formativas e de avaliación presenciais) empregaranse as ferramentas dispoñibles na actualidade na Universidade de Vigo: Campus Remoto e FaiTIC. As condicións de reorganización dependerán do momento ao longo do cuadrimestre en que se active dita modalidade de ensino. Na reorganización das ensinanzas seguiríanse as seguintes pautas:
2.1. Comunicación
Informar a todo o alumnado a través da plataforma FaiTIC das condicións nas que se devolverán as actividades formativas e as probas de avaliación que resten para finalizar o cuadrimestre.
2.2. Adaptación e/ ou modificación de metodoloxías docentes
Dado que as metodoloxías docentes están concibidas para a modalidade de ensino presencial indícanse a continuación as metodoloxías docentes que se manterían e cales se modificarían ou substituirán na modalidade non presencial.
Todas as metodoloxías empregadas nesta guía pódense aplicarse tanto en modalidade presencial como en no presencial:
As metodoloxías Lección Maxistral, Estudo de casos e Seminarios pódense impartir dende o Campus Remoto, empregando as diferentes ferramentas de apoio á docencia dispoñibles no entorno Moodle de FAITIC e titorizándoas a través de foros.
As prácticas en aulas de informática, xa que se empregarán programas informáticos de acceso gratuíto, plantexaranse en sesións remotas no Campus remoto e desenvolveranse de xeito non presencial titorizándoas a través de foros.
2.3. Adaptación de atención de titorías e atención personalizada
As sesións de titorización poderán realizarse por medios telemáticos (correo electrónico, videoconferencia, foros de FAITIC, ...) baixo a modalidade de concertación previa..
2.4. Avaliación
No caso da docencia non presencial, procederase á seguinte modificación na avaliación:
Estudo de casos (exame final): esta proba consistirá nun exame que se realizará en modo “en liña”, coas ferramentas dispoñibles en Moodle, e que consistirá en preguntas tipo test e de curto desenvolvemento, tanto teóricas coma prácticas, sobre os conceptos teóricos e prácticos traballados nas metodoloxías de Estudo de casos, Lección maxistral e Seminarios. O peso deste exame na avaliación total pasa a ser dun 60 sobre 100%.
O resto do peso da avaliación, o 40%, consistirá na entrega por parte do alumnado de boletíns que inclúan o desenvolvemento e resolución das prácticas realizadas co apoio das TIC.
2.5. Bibliografía ou material adicional para facilitar a auto-aprendizaxe
Non se considera necesaria bibliografía adicional.
|
