Guia docente 2020_21 Facultade de Ciencias Xurídicas e do Traballo

Grao en Relacións Laborais e Recursos Humanos

Avaliación

	Descrición	Cualificación	Resultados de Formación e Aprendizaxe
Lección maxistral	Avaliarase a participación do alumnado, a comprensión da materia, a argumentación, a capacidade de transmisión de contidos a través de probas de avaliación con contido teórico e práctico, e a resolución, de forma individual e/ou en grupo, de cuestións sobre a disciplina formuladas polo profesorado ó longo do periodo lectivo.	50	A2 A4 A5	B1 B2 B3 B5	C17	D1
Resolución de problemas	Avaliarase a participación do alumnado, a comprensión da materia, a aplicación de técnicas específicas axeitadas, a argumentación, a capacidade de transmisión de contidos a través de probas de avaliación con contido práctico de cuestións sobre a disciplina formuladas polo profesorado ó longo do período lectivo. A aplicación desta técnica correspóndese coas prácticas da materia realizadas nos grupos de prácticas.	20	A2 A4 A5	B1	C17	D1
Estudo de casos	Avaliarase a participación do alumnado, a comprensión da materia, a aplicación de técnicas específicas axeitadas, a argumentación, a capacidade de transmisión de contidos a través de probas de avaliación con contido práctico de cuestións sobre a disciplina formuladas polo profesorado ó longo do período lectivo. A aplicación desta técnica correspóndese coas prácticas da materia realizadas nos grupos de prácticas.	30	A2	B1		D1

Outros comentarios sobre a Avaliación
Existen dous sistemas de avaliación excluíntes: o sistema de avaliación continua e o sistema de avaliación non continua. O Sistema de Avaliación continua A descrición desta guía está pensada para a modalidade de avaliación continua. Enténdese que o alumnado elixe o sistema de avaliación continua no caso de que se presente a algunha proba das efectuadas durante ó período lectivo. O alumnado que sexa avaliado no réxime de avaliación continua terá a posibilidade de superar a materia e de obter o 100% da nota. Superarase a materia sempre e cando a suma ponderada dos resultados de tódalas probas efectuadas ó longo do período lectivo sexa maior ou igual a 5 puntos sobre 10. Si o estudante non supera a materia por avaliación continua, este poderá presentarse ó exame, tanto na convocatoria ordinaria como na extraordinaria, que terá lugar na data oficial establecida polo Decanato da Facultade de Ciencias Xurídicas e do Traballo. Nese caso, a nota final da materia resultará da suma da nota obtida na avaliación continua, que suporá un 50% da nota final, e a nota obtida no exame celebrado nas datas oficiais, que valerá o 50% restante. Para aprobar a materia será preciso obter unha nota igual ou superior a 5 puntos sobre 10. A concreción das actividades de avaliación continua dependerá en gran medida do número de estudantes, así como da dispoñibilidade de medios para traballar en grupo. As actividades de avaliación continua solo se poderán entregar nas datas e sesións establecidas ó efecto, debendo cada estudante asistir ó grupo que teña asignado para a realización das mesmas. O cambio de grupo neste caso deberá ser autorizado polo profesorado. O sistema de Avaliación non continua Para as convocatorias ordinaria e extraordinaria consistirá nun exame final a realizar na data e hora establecidas polo Decanato da Facultade de Ciencias Xurídicas e do Traballo, cunha puntuación máxima de 10 puntos. Dito exame versará sobre a totalidade da materia. Os exames das convocatorias ordinarias e extraordinarias desta materia terán lugar na data, hora e lugar establecido polo Decanato da Facultade de Ciencias Xuridicas e do Traballo. O calendario de exames publícase ó inicio do curso polo Decanato da Facultade de Ciencias Xuridicas e do Traballo, pero dito calendario pode ser modificado ao longo do curso por algún imprevisto. Consulten a páxina web da facultade, por se hai cambios. Na convocatoria de fin de carreira, o exame suporá o 100% da cualificación. DECÁLOGO DE BOAS PRÁCTICAS 1. Non está permitido facer uso de teléfonos móbiles, ordenadores portátiles, tablets ou similares nas sesións de traballo. Estes deben estar desconectados, agás autorización expresa do profesorado. 2. Os teléfonos móbiles deben estar pechados na realización das probas e o alumnado non debe ter consigo reloxos e demais dispositivos intelixentes na realización das mesmas, agás autorización expresa do profesorado. 3. Non está permitido comer nin beber (agás auga) na clase. 4. É imprescindible asistir ás sesións de aula co material necesario para o seu desenvolvemento. 5. O plaxio total ou parcial nas actividades entregadas levará a invalidación das mesmas. 6. Para a realización dos exames só se permite o material indicado polo profesorado. 7. O alumno/a deberá presentarse ao exame debidamente identificado, co D.N.I, pasaporte ou carné de conducir, non sendo válido outro documento. 8. Tódolos exames e probas puntuables deberán ser entregados a súa finalización e baixo ningún concepto poderán ser sacados fora da aula, nin fotografiados nin gravados polo alumnado. 9. A revisión de exames terá lugar só no horario e lugar establecido polo profesorado. 10. No caso das actividades docentes que se leven a cabo por medios telemáticos véase https://www.uvigo.gal/proteccion-datos No caso de incumprimento das normas anteriores, o profesorado poderá adoptar as medidas que estime oportunas.