É conveniente que o alumnado posúa coñecementos básicos de optimización matemática, por exemplo, que curse algunha materia de Programación Matemática, en xeral, e de Programación Lineal e Enteira, en particular. Tamén é recomendable dispor dunhas habilidades medias no manexo de computadores, e en concreto de software especializado de *modelización de problemas de optimización. A énfase teórica predominante nesta materia complementarase co estudo dalgunha linguaxe de modelado algebraico (como AMPL ou GAMS), que permita un rápido prototipado e resolución de problemas complexos, así como a implementación áxil de algoritmos especializados.
Aconséllase participar activamente no proceso de aprendizaxe: asistencia e participación en clases teóricas e prácticas. Utilización de titorías e realización dun esforzo responsable de traballo e asimilación persoal dos métodos estudados. |