=== MEDIDAS EXCEPCIONAIS PLANIFICADAS ===
Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións e a propia institución determíneno atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
ADAPTACIÓN DAS METODOLOXÍAS:
a) Cambios en metodoloxías e actividades docentes: as actividades formativas que o alumno/a debe desenvolver durante o seu TFM son principalmente a realización dun traballo titorizado e a presentación deste diante dun tribunal. Ambas actividades poderanse desenvolver sen dificultade en modalidade a distancia de ser necesario, mediante o uso de ferramentas telemáticas (aula virtual, videoconferencia).
b) Mecanismo non presencial de atención ao alumnado (titorías): desenvolveranse usando medios telemáticos tales como o correo electrónico, titorías virtuais por videoconferencia, etc.
c) Modificacións dos contidos a impartir: non proceden.
d) Bibliografía adicional para facilitar o auto-aprendizaxe: non se considera necesario incluír bibliografía adicional.
e) Outras modificacións: non se consideran necesarias.
=== ADAPTACIÓN DA AVALIACIÓN ===
Tanto a entrega do traballo realizado polo alumno/a, como a súa presentación diante do tribunal, poderíanse desenvolver sen dificultade en modalidade a distancia de ser necesario, mediante o uso de ferramentas telemáticas (aula virtual, videoconferencia). |
