Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións e a propia institución determíneno atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
No caso de que a situación durante o curso 2020/2021 volva necesitar dun cambio de paradigma formativo que implique a necesidade de modificar as condicións do ensino para ser orientada ao formato de ensino virtual a distancia, considérase oportuno realizar as seguintes consideracións respecto da materia de Fundamentos de Automática.
-Apartado 6.1 (Programación: créditos teóricos):
• Bloque I: Automatización industrial e modelado de sistemas secuenciais. O ensino adaptarase de forma inmediata e natural ao formato a distancia empregando aulas virtuais debido a que os contidos se impartirán en ambas as modalidades empregando ferramentas audiovisuais e interactivas idénticas.
• Bloque II: Análise e deseño de sistemas de control. O ensino adaptarase de forma inmediata e natural ao formato a distancia empregando aulas virtuais debido a que os contidos se impartirán en ambas as modalidades empregando ferramentas audiovisuais e interactivas idénticas.
- Apartado 6.2 (Programación: créditos prácticos):
• Bloque I: Automatización industrial e modelado de sistemas secuenciais.
Neste caso debe terse en conta que os alumnos non poderán acceder aos equipos onde estea instalado o software de simulación e programación de autómatas programables. Para permitir que os alumnos poidan realizar as súas prácticas de forma virtual adaptarase a formación da seguinte forma:
• Durante as horas de laboratorio realizarase unha clase maxistral onde o profesor mostrará como resolver parcialmente o práctica paso a paso (de forma que os alumnos poidan seguir o desenvolvemento nos seus equipos) empregando o software de edición e simulación de autómatas programables.
• Os alumnos deben ter instalado o mesmo software nos seus equipos (en caso de incompatibilidade de sistemas operativos disporase dunha máquina virtual co software instalado) e realizar o seguimento da práctica virtual executando os procedementos mostrados polo profesor.
• Os alumnos deben completar pola súa conta a parte da práctica non resolta durante a clase maxistral, tendo en conta que debe ser un traballo individual. Para iso farase fincapé en que o descoñecemento dos métodos de traballo desenvolvidos durante as prácticas de laboratorio será determinante para poder aprobar o exame destes contidos na materia.
.
• Bloque II: Análise e deseño de sistemas de control.
Neste caso debe terse en conta que os alumnos non poderán acceder aos equipos onde estea instalado o software de simulación nin aos laboratorios onde realizar a montaxe dos kits. Para permitir que os alumnos poidan realizar as súas prácticas de forma virtual adaptarase a formación da seguinte forma:
. As dúas últimas prácticas con contidos presencial no laboratorio debido á necesidade de empregar kits, substituiranse polas súas prácticas equivalentes simuladas, onde os alumnos terán que desenvolver o mesmo traballo de deseño de enxeñaría de control, pero sendo aplicados sobre sistemas dinámicos virtuais.
. Durante as horas de laboratorio realizarase unha clase maxistral onde o profesor mostrará como resolver parcialmente o práctica paso a paso (de forma que os alumnos poidan seguir o desenvolvemento nos seus equipos) empregando o software de simulación de sistemas dinámicos.
. Os alumnos deben ter instalado o mesmo software nos seus equipos (en caso de incompatibilidade de sistemas operativos disporase dunha máquina virtual co software instalado) e realizar o seguimento da práctica virtual executando os procedementos mostrados polo profesor.
. Os alumnos deben completar pola súa conta a parte da práctica non resolta durante a clase maxistral, tendo en conta que debe ser un traballo individual. Para iso farase fincapé en que o descoñecemento dos métodos de traballo desenvolvidos durante as prácticas de laboratorio será determinante para poder aprobar o exame destes contidos na materia.
- Apartado 8 (Metodoloxía docente): Engadirase unha nova metodoloxía docente:
Sesión maxistral e/ou sesión práctica virtual síncrona: Impártese a través dunha plataforma de videoconferencia web. Cada aula virtual contén diversos paneis de visualización e compoñentes, cuxo deseño se pode personalizar para que se adapte mellor ás necesidades da clase. Na aula virtual, os profesores (e aqueles participantes autorizados) poden compartir a pantalla ou arquivos do seu equipo, empregar unha lousa, chatear, transmitir audio e vídeo ou participar en actividades en liña interactivas (enquisas, preguntas, etc.).
- Apartado 10 (Avaliación):
As probas de avaliación realizaríanse combinando a plataforma de teledocencia FAITIC-Moodle e o Campus Remoto da Universidade de Vigo. |
