CUALIFICACIÓN FINAL E REQUISITOS PARA SUPERAR A MATERIA: Para superar a materia será necesario cumprir dous requisitos:
- Obter no exame de preguntas obxectivas unha puntuación mínima de 1 punto.
- Sumar entre tódolos elementos de avaliación unha puntuación mínima de 5.
Como norma xeral, entenderase que tódolos alumnos da materia son alumnos presenciais e, polo tanto, deberán asistir ás sesións prácticas. No caso de que algún estudante, por razóns excepcionais e xustificadas, non puidese asistir con asiduidade ás sesións prácticas da materia deberá contactar coa docente coordinadora durante as dúas primeiras semanas de curso para expoñer o seu caso; a docente valorará as circunstancias aportadas polo estudante e decidirá se pode cursar a materia de xeito non presencial, non penalizando neste caso a súa falta de participación nas sesións. Esta condición de estudante non asistente non exime, en ningún caso, do cumprimento dos prazos de entrega de cada unha das tarefas realizadas nos obradoiros e dos traballos.
Entenderase que todos aqueles alumnos que non contacten coa docente nas dúas primeiras semanas de curso para valorar esta excepcionalidade, rexeranse polos criterios de avaliación aplicables aos alumnos asistentes, nos que se contempla a participación nas sesións como parte da avaliación. RECUPERACIÓN DA MATERIA (2ª EDICIÓN)
Os alumnos que non se presenten ao exame da primeira edición ou
non superen a materia, terán a opción de facelo na edición de recuperación
(xullo). As porcentaxes establecidas para a avaliación da materia serán as
mesmas que as da primeira edición. Polo tanto, o alumno que desexe optar a
superar a materia na edición de xullo, ademais de presentarse ás probas, deberá
contactar cos profesores para saber qué traballos deberá desenvolver en
correspondencia cos traballos tutelados e cos obradoiros.
Se o alumno non supera a materia na segunda edición deberá
cursala novamente, adaptándose á guía docente que estea vixente no curso en
cuestión, e, polo tanto, non conservará ningunha das cualificacións obtidas no
presente curso.
|