MODALIDADE DE AVALIACIÓN FORMATIVA: O alumnado deberá aprobar cada un dos traballos e proxectos para superar a asignatura. Os traballos e proxectos propostos son obrigatorios. O alumnado deberá obter unha media de 5 puntos sobre 10 no conxunto das probas en formato test que se realicen ao longo do curso para superar a materia; en caso de que non o consiga contará cunha última oportunidade de subir a media nun exame final que terá lugar nas datas acordadas polo centro. Aqueles alumnos que falten a máis de dúas sesións de prácticas e/ou seminarios deberán superar, de xeito adicional, un exame práctico que garanta a adquisición das competencias da materia sobre as que se traballa nestas sesións e que se reforzan nos traballos tutelados e proxectos.

MODALIDADE DE AVALIACIÓN FINAL: O alumnado deberá aprobar cada un dos traballos e proxectos para superar
a asignatura. Os traballos e proxectos propostos son obrigatorios. O
alumnado deberá superar un exame final que terá lugar nas datas acordadas polo centro e que representará o 40% da nota. Aqueles
alumnos que falten a máis de dúas sesións de prácticas e/ou seminarios
deberán superar, de xeito adicional, un exame práctico que garanta a
adquisición das competencias da materia sobre as que se traballa nestas
sesións e que se reforzan nos traballos tutelados e proxectos.

Aquelas persoas que, por circunstancias diversas, opten pola avaliación final deberán comunicalo ao docente nas dúas primeiras semanas do curso. En caso de non facelo enténdese que optan pola avaliación continua. Non se admite ningún cambio de modalidade unha vez pasado ese prazo.