MEDIDAS EXCEPCIONAIS PLANIFICADAS
Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións e a propia institución determíneno atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
ADAPTACIÓN DAS METODOLOXÍAS
Mantéñense as metodoloxías docentes. As sesións maxistrais, as prácticas e os seminarios, en caso de interrupción da presencialidade, trasladaríanse ás aulas do Campus Remoto de UVigo.
ADAPTACIÓN DO SISTEMA DE AVALIACIÓN
De ser necesario adaptar o sistema de avaliación na que a parte teórica desenvólvese cun exame, este pode ser substituído por un exame oral ou por un traballo de carácter teórico sobre os contidos da materia e o seu valor final non será superior ao 50% da nota final. A decisión de optar por unha fórmula ou outra dependerá do docente en función da asimilación dos contidos por parte do alumnado e o desenvolvemento da docencia.
O sistema de avaliación da parte práctica da materia mantense, xa que os alumnos poden seguir traballando os contidos a través da plataforma docente da materia e as salas virtuais do campus remoto, e o seu valor sobre a nota final pode incrementarse até o 50%. (50% teoría e 50% práctica)
As tutorías poderán desenvolverse nas salas virtuais do profesorado, previa petición de cita no correo electrónico do profesorado.
Si para a asimilación dos contidos da materia é necesaria unha bibliografía adicional, esta facilitaráselle ao alumnado a través da plataforma docente da materia |