Guia docente 2020_21 Facultade de CC. Sociais e da Comunicación

Xestión de recursos humanos II: Organización e xestión do emprego público

Avaliación

	Descrición	Cualificación	Resultados de Formación e Aprendizaxe
Estudo de casos	Avaliarase a participación e a realización das distintas actividades programadas de forma individual e/ou en grupo. Ditas actividades serán entregadas a través da plataforma Faitic, non admitíndose a entrega por ningún outro medio	50	A2 A5	B2 B5 B9 B10	C18	D2 D6 D8
Resolución de problemas e/ou exercicios	Trátase dunha proba a final de curso orientada á aplicación dos conceptos desenvolvidos na materia. Realizarase de forma presencial e de non ser posible a través do campus remoto e/ou plataforma Faitic	50	A5		C18

Outros comentarios sobre a Avaliación
SERVIZO DE APRENDIZAXE Esta materia está incluída no plan de promoción da aprendizaxe- servizo na Universidade de Vigo promovido pola Vicerreitoría de Responsabilidade Social, Internacionalización e Cooperación. A actividade de aprendizaxe de servizo (ApS) é voluntaria, permitindo só que 5 estudantes poidan facelo. No caso de que houbesemáis solicitudes que prazas, elixirase por expediente. A forma de adherirse e os prazos serán indicados en tempo suficiente polos profesores. A ApS implica o desenvolvemento dunha serie de actividades polo grupo, guiadas en todo momento polos profesores. Os e as estudantes poderán obter ata un máximo de 1,5 puntos e estarán exentos de realizar parte das actividades de avaliación continua (estudos de caso). A adhesión a este plan implica renunciar á cualificación destas actividades exentas. NOTA FINAL. É requisito indispensable para sumar a parte práctica (estudo de casos) polo menos sacar un 4 sobre 10 puntos no exame final. AVALIACIÓN SEGUNDO O REGLAMENTO DE MODALIDADE SEMIPRESENCIAL "Art.6.-Avaliación. Na guía docente da materia, deberá estar claramente especificado o tipo de avaliación e a súa puntuación. No cronograma da materia deberán estar sinaladas as datas nas que deben estar realizadas e entregadas as probas e/ou a data da proba final no caso de establecerse. O profesorado procurará, na medida do posible, que a avaliación da materia se realice na súa totalidade de maneira continua e virtual, sen proba final presencial. En todo caso, é obrigatorio que a avaliación continua online supoña polo menos o 40% da nota, e a proba final (que poderá esixirse na súa modalidade presencial) supoña como máximo o 60% da nota total da materia. No caso de que estea prevista a realización dunha proba final de maneira presencial, esta coincidirá coa data e hora fixada no calendario do Centro (a mesma data que para o alumnado da modalidade presencial)" CONVOCATORIA EXTRAORDINARIA DE XULLO Para superar esta materia na convocatoria extraordinaria de xullo, os e as estudantes deberán realizar un exame final. O valor do exame será de 10 puntos, aínda que se poderá ter en conta o traballo realizado polo alumnado na avaliación continua.