=== MEDIDAS EXCEPCIONAIS PLANIFICADAS ===
Ante a incerta e imprevisible evolución da alerta sanitaria provocada pola COVID- 19, a Universidade establece una planificación extraordinaria que se activará no momento en que as administracións e a propia institución o determinen atendendo a criterios de seguridade, saúde e responsabilidade, e garantindo a docencia nun escenario non presencial ou non totalmente presencial. Estas medidas xa planificadas garanten, no momento que sexa preceptivo, o desenvolvemento da docencia dun xeito mais áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes DOCNET.
=== ADAPTACIÓN DAS METODOLOXÍAS ===
* Metodoloxías docentes que se manteñen
Mantéñense todas as metodoloxías propostas (lección maxistral, traballo tutelado, presentación, estudo de casos e resolución de problemas) xa que se poden levar a cabo a través do campus remoto e faitic.
* Mecanismo non presencial de atención ao alumnado (titorías)
Os alumnos poden concertar e asistir a titorías a través das salas de profesorado do Campus Remoto previa solicitude a través de Faitic ou outros medios que facilite a propia Universidade.
=== ADAPTACIÓN DA AVALIACIÓN ===
De chegar o caso, elimínase a avaliación sistemática (valorada cun 15% da nota) e o exame teórico (valorado cun 25% da nota) e o traballo tutelado computa cun 100% da nota no canto do 80% inicial.
Ese novo cómputo calcúlase ponderando as notas acadadas - con independencia de si se teñan realizado antes ou despois da situación excepcional - mediante unha regra de tres simple para acadar ese máximo do 100% |
