== MEDIDAS EXCEPCIONAIS PLANIFICADAS ===
Ante a incerta e imprevisible evolución da alerta sanitaria provocada pola COVID- 19, a Universidade establece una planificación extraordinaria que se activará no momento en que as administracións e a propia institución o determinen atendendo a criterios de seguridade, saúde e responsabilidade, e garantindo a docencia nun escenario non presencial ou non totalmente presencial. Estas medidas xa planificadas garanten, no momento que sexa preceptivo, o desenvolvemento da docencia dun xeito mais áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes DOCNET.
Para o curso 2020-2021 se prevén tres posibles escenarios:
- docencia 100% presencial
- docencia mixta, con parte presencial e parte virtual
- docencia 100% virtual
Na medida en que as circunstancias o requiran poderíase pasar de forma dinámica dun escenario a outro ao longo do curso, buscando o menor impacto posible no seu desenvolvemento. Tendo en conta que o prácticum é un compoñente profesionalizador clave nos títulos de formación do profesorado tentarase, na medida do posible, axustar as prácticas esenciais máis dificilmente substituíbles aos períodos nos que estean en activo as modalidades presencial e mixta.
Ante unha situación excepcional e sendo conscientes de que non serán equivalentes á realización presencial, desenvolveranse as adaptación necesarias no grao de realización das mesmas e nos plans que o alumnado debe realizar neste período formativo. En función das circunstancias, poderase fixarse un mínimo no porcentaxe de realización das horas presenciais de práctica e suplirse o resto pola realización non presencial de outras actividades académicas relacionadas avaliables
===== ADAPTACIÓN DAS METODOLOXÍAS ===
***Metodoloxías docentes que se manteñen:
As metodoloxías docentes serán as mesmas nos tres escenarios, dado que foron deseñadas para facilitar unha transferencia fluída desde un escenario a outro. En calquera caso, a única diferenza refírese ao espazo (presencial ou virtual) no que se desenvolverá a actividade. De ser necesario recorrer ao ensino virtual, total ou parcialmente, as metodoloxías previstas se adaptaranse á modalidade de execución a distancia.
***Metodoloxías docentes que se modifican:
Tendo en conta as restricións no aforo, as distancias de seguridade que indica a normativa sanitaria e a especial situación de vulnerabilidade dos colectivos de poboación escolarizados nos centros nos que habitualmente se realizan as prácticas externas, resulta arriscado manter o calendario de visitas do alumnado do máster aos centros educativos durante o practicum I. Dado que esta materia está orientada a observación e a preparación do alumnado para un mellor aproveitamento das 150h de estancia nos centros durante o practicum II, serán substituídas as visitas presenciais pola alternativa de actividades de observación sobre o centro e o seu contexto, coñecemento das características do alumnado, metodoloxía de funcionamento, recursos, etc. a partir da información recollida nas páxinas web, vídeos, recursos, e outros materiais elaborados coa colaboración dos titores e titoras responsables nos devanditos centros educativos.
***Mecanismo non presencial de atención ao alumnado (titorías)
No potencial escenario de docencia semipresencial, as sesións de titorización poderán realizarse presencialmente e/ou no despacho virtual dos docentes, baixo a modalidade de concertación previa e no horario que se estableza. No caso dun escenario docente na modalidade a distancia, a titorización realizarase únicamente polos medios telemáticos mencionados.
***Modificacións (se proceder) dos contidos a impartir
Non hai modificacións nos contidos a impartir.
***Bibliografía adicional para facilitar a auto-aprendizaxe
A bibliografía adicional será proporcionada ao longo do desenvolvemento da materia.
***Outras modificacións
Ferramentas para a docencia virtual. No escenario de docencia semipresencial, ademáis da docencia presencial nas aulas, a actividade docente virtual impartirase mediante Campus Integra e preverase asemade o uso da plataforma de teledocencia Faitic como reforzo, e sen prexuízo doutras medidas que se poidan adoptar para garantir a accesibilidade do alumnado aos contidos docentes.
No escenario de docencia a distancia, a actividade docente realizarase exclusivamente de modo virtual.
=== ADAPTACIÓN DA AVALIACIÓN ===
Non hai cambios nin nos instrumentos nin nos criterios de avaliación establecidos na guía docente ordinaria.
***Probas pendentes que se manteñen
Todas as probas propostas na guía docente para as vindeiras convocatorias mantéñense en calquera das tres modalidades de ensinanza previstas: presencial, mixta e a distancia, para o curso 2020-21. Os criterios de avaliación, así como a súa ponderación sobre a nota final, se manteñen. Os procedementos ou tipoloxía de probas de avaliación, tampouco se modifican no seu contido nin no seu modo de execución, no caso dos dous potenciais escenarios docentes extraordinarios previstos.
***Probas que se modifican
Para o curso 2020-2021, non hai modificacións nas probas de avaliación, agás no referido á modalidade de avaliación: presencial ou virtual, dependendo do escenario sanitario no que se leve a cabo a docencia.
***Novas probas
Non se prevén novas probas de avaliación.
***Información adicional
Non hai. |
