Todo o alumnado, asista ou non ás aulas, ten dereito a ser avaliado (mediante un exame ou no modo en que se estableza na guía docente).

Modelo A. O alumnado que asista regularmente á clase terá que aprobar o traballo literario para poder presentarse ao exame, a non ser que o profesorado acorde outra cousa co alumno ou alumna. Para aprobar a materia hai que aprobar o traballo e o exame.

Toda copia ou plaxio será valorada cun 0 na parte en que se produza.

Modelo B. O alumnado que non asista regularmente á clase terá que realizar un exame final de toda a materia, a non ser que o profesorado acorde co alumno ou coa alumna outro tipo de avaliación.

De non ter superada a materia na
primeira convocatoria, as competencias non adquiridas serán avaliadas na
convocatoria de xullo.

As datas oficiais dos exames poden consultarse na web da facultade na ligazón correspondente (http://fcced.uvigo.es/gl/docencia).