Estudiantado de AVALIACIÓN CONTINUA (criterios para cumprir a avaliación continua):

• Docencia teórica. Avaliación continua mediante a asistencia ás clases teóricas e realización de forma satisfactoria de todos os exercicios encomendados. O estudantado que realice satisfactoriamente (en tempo e forma) o 80% dos exercicios e asista ao 80% das clases non terá que realizar o exame final. Cualificaráselle en base aos resultados obtidos en cada un dos exercicios (os criterios de cualificación aparecen reflectidos en cada un dos exercicios expostos en FAITIC). A cualificación global deste apartado realizarase de cero a dez. Este apartado suporá un 42% de cualificación final.

• Docencia práctica. Avaliación continua mediante a ASISTENCIA e REALIZACIÓN das clases prácticas. Ademais haberá que realizar de forma satisfactoria (en tempo e forma) todos os exercicios encomendados. O estudantado que realice satisfactoriamente o 80% dos exercicios e asista e realizado ao 80% das clases non terá que realizar o exame final. Cualificaráselle en base aos resultados obtidos en cada un dos exercicios (os criterios de cualificación aparecen reflectidos en cada unha das actividades expostas en FAITIC) e en base ás clases realizadas. A cualificación global deste apartado realizarase de cero a dez. Este apartado suporá un 58% de cualificación final.

A cualificación final obterase realizando unha media ponderada das dúas partes superadas. No caso de que soamente se supere unha das partes, terá que facer o exame final da parte non superada. A cualificación positiva conservarase unicamente até a seguinte convocatoria de xuño-xullo.

O 80% de asistencia á clase teórica, realización de exercicios ou asistencia ás prácticas non implica o valor total dese apartado de avaliación. Prorratéase a puntuación total do apartado entre o número de asistencias (á teórica e á práctica) e o número de entregas válidas de exercicios.

Estudiantado de EXAME FINAL (para o estudiantado que non cumpre os criterios da avaliación continua):

• Docencia teórica. A avaliación realizarase mediante unha proba final escrita correspondente aos temas impartidos durante o curso: exame tipo test ou verdadeiro/falso. O estudiantado terá que obter un cinco sobre dez no exame. Esta cualificación suporá o 42% da cualificación global. 

• Docencia práctica. A avaliación efectuarase mediante unha proba práctica final (exame teórico-práctico oral e no tatami cun compañeiro/a) correspondente aos temas impartidos durante o curso. O estudiantado terá que obter un cinco sobre dez no exame. Esta cualificación suporá o 58% da cualificación global.

A cualificación final obterase realizando unha media ponderada dos dous exames superados. No caso de que soamente se supere un dos dous exames, a cualificación positiva (do exame superado) conservarase unicamente até a seguinte convocatoria de xuño-xullo.

Publicación das cualificacións: As cualificacións de cada convocatoria serán publicadas en FAITIC, onde se indicarán as datas de revisión dos exames.

As datas oficiais dos exames pódense consultar na web da facultade na apartado "Docencia. Exames. Curso 2020-2021".

Aplicaranse os mesmos criterios de avaliación para o RESTO DE CONVOCATORIAS. Se non se supera a materia, as competencias non adquiridas serán avaliadas na convocatoria de xullo.