Modalidade presencial. A materia require unha presencialidade na parte teórica (mínimo
80%) para poder resolver as cuestións formuladas na aula así como para
resolver o traballo da materia. Así, a nota de avaliación continua suporá
o 80% da nota final. O outro 20% corresponderá á realización dun
exame da parte teórica. Para que se teña en conta a nota de avaliación
continua é necesario alcanzar unha puntuación mínima de 5 puntos sobre 10 no
exame. En caso de non superar a avaliación continua (incluído o 80% de asistencia),
o estudante terá que facer un exame final que se corresponderá
co 100% da nota. Na modalidade semipresencial e virtual, o estudante terá que
realizar unha aprendizaxe propia dos contidos, e a partir deles realizar as
distintas actividades que se vaian propondo na materia. A avaliación e
o control da aprendizaxe correspóndese coa cualificación media obtida nesas
actividades, sen prexuízo de que será necesario superar un exame de control
final para a súa validación. En ambalas modalidades, no caso de non superar a
materia na convocatoria ordinaria, o estudante realizará un exame final
en xullo. As cualificacións de todas as probas, parciais ou finais, prácticas e actividades só terán efectos no curso académico no que se propoñan. A plataforma de aula virtual conta con ferramentas para detectar posibles comportamentos anómalos e deshonestos, así como para detectar posibles plaxios en traballos escritos. No caso de detección de plaxio nalgunha proba/traballo/test/exame/actividade a cualificación final da materia será Suspenso (0) e o feito será comunicado ao Decanato do Centro para que adopte as medidas oportunas. |