- Edición de xuño de 2021:

Haberá dúas posibilidades de avaliación:

Opción A: O estudante pode
acollerse ao sistema de avaliación continua que se acaba de expoñer. Entenderase
que o alumno se acolle a este sistema  de avaliación continua cando se
presente a probas que en conxunto representen como mínimo un 50% na nota final.
Anunciarase a principio de cuatrimestre un cronograma onde aparecen as datas das
distintas probas de avaliación continua.

Os alumnos que se acollan ao sistema de avaliación continua terán a obriga
de colocar unha fotografía tipo carné en Faitic antes da primeira proba de
avaliación e de acceder regularmente á plataforma de teledocencia, para estar
así ao corrente das novidades que se produzan.

Opción B: O estudante que non se
acolla o sistema de avaliación continua será avaliado mediante a realización
dun exame final de carácter escrito na data oficialmente establecida coas seguintes
ponderacións: proba de preguntas de desenvolvemento (70%) e proba de resolución
de exercicios (30%).

Recuperación:

- Edición de xullo de 2021:

Novamente haberá dúas posibilidades de avaliación:

Opción A: Os estudantes que se
acolleran ao sistema de avaliación continua poderán conservar as notas da parte
de exame de preguntas de desenvolvemento (70%), prácticas con apoio das TIC (20%)
e seminario (10%).

Os alumnos poderán subir nota nunha ou en ambas partes: Proba de preguntas
de desenvolvemento (70%) e proba de resolución de exercicios (30%). A proba de
resolución de exercicios (30%) e un exame de recuperación que substitúe á parte
práctica entregable na avaliación continua (prácticas con apoio das TIC (20%) e
seminario (10%)).

Opción B: Os alumnos que non se
acolleran ao sistema de avaliación continua terán dereito a un exame final que
abarcará unha proba de preguntas de desenvolvemento (70%) e unha proba de
resolución de exercicios (30%).

Independentemente de se é a opción A ou a opción B, aínda que tanto na
primeira como na segunda oportunidade a nota final será a media ponderada entre
a parte de preguntas de desenvolvemento e a parte práctica , se o estudante non
acada un mínimo de 4 puntos (sobre 10) no exame de preguntas de
desenvolvemento, a nota final da materia non superará os 4 puntos.

- Convocatoria Fin de Carreira:

O alumno que opte por examinarse en fin de carreira será avaliado unicamente
cun exame teórico-práctico que valerá o 100% da nota. 

As datas e horarios das probas de avaliación das diferentes edicións son as
especificadas no calendario de probas de avaliación aprobado pola Xunta de
Facultade para o curso académico 2020-21. En caso de conflito ou
disparidade entre as datas dos exames, prevalecerán as sinaladas na páxina Web
da FCETOU.

É necesario traer o DNI ou documento análogo cando teña lugar a realización
dos exames. O incumprimento deste requisito pode ter como consecuencia que o
alumno non realice o exame en cuestión.